FFF

Login

Pre- & Post Wheelchair Dance Life

10113361584a11820886638mWhat makes the able different from the disabled, it's not the body that matters the most but the spirit in souls and minds of a person that count in life. The great warriors and heros of the past in different areas and walks of life have disappeared in physical terms but their souls and minds are still hovering and floating in our stories and memories. Please click here to watch the story of a life time by Siosiua Fonuakihehama Pouvalu Tofua'ipangai (aka. Lafitani) 

Please click here to watch...

Our main web links:

 

- Lo'au Research Society...Research Society for Tongan and world scholars and students in any field

Lo'au University ,,,,First Full Online University in the Kingdom of Tonga and Moanan Islands

- Vahaope Network International for all Tongan Catholic Students and Ex-students....Website by 'Apifo'ou Exstudents 75-80 for all Tongan Catholic students and exstudents

Tala Ngaahi Ha'a (1)

Wednesday, 25 April 2012 13:10 Siosiua Lafitani
Print PDF

siuas_camera_152Tala ‘o e Ngaahi Ha’a – Konga I

  

 

Lo’au Pouvalu (Siosiua Lafitani Tofua’ipangai)


Te u kamata he uike ni ha’aku talanoa mo vahevahe mo Falelahi, hou’eiki mo e kainga Tonga kotoa pe fekau’aki mo e Tala ‘o e Ngaahi Ha’a, TONGH, he’enau tupu mai mei ono’aho, fakafuofua ki he kamata ko ia ‘a e Pule’anga ‘o e Tu’i Tonga ‘ia ‘Aho’eitu ‘i he Senituli 8 nai, neongo ‘oku tala ‘e he kau fakatotolo Papalangi ko e Senituli 10.  Ka ‘oku ou mei fai tatau heni mo e faka’uhinga fakahisitolia/fakatala’uhingatohi ‘a Siaosi ‘Ilaiu, ‘a ia ne ne pehe ai ‘oku hala e lau ta’u mo e Senituli ia ‘o pehe ne kamata ‘a e Tu’i Tonga ko ‘Aho’eitu he 10 ‘o e Senituli.

Ko e ‘uhinga heni, he ko e kau Tu’i Tonga ‘e 10 meia ‘Aho’eitu kia Momo, ‘oku matangata’a ia kenau pule katoa he Senituli pe ‘e taha kapau ‘e ‘ai e Senituli 10 he lau ‘a e kau faihisitolia Papalangi.  Ka ko e anga maheni ‘oku meimei faka’avilisi ki ha Tu’i Tonga ‘e 3 pe 4 he Senituli, ko ia ai ‘oku matamata ko e Senutli 8 pe 9 ne kamata ai ‘a Tu’i Tonga ‘Aho’eitu he lau ia ‘a’aku, pe ko e lau ‘a ‘Ilaiu hange kuo fai ki ai e lave.

Ka e kehe, ko e TONGH ‘oku ‘asi mahino mai ia ne kamata fakataha pe ia ‘i he mapuna hake ko ia ‘a Tu’i Tonga ‘Aho’eitu, ‘a ia ko e ‘alo ‘o Tangaloa ‘Eitumatupu’a mei Manu’a pe Ha’amoa pea mo ‘Ilaheva Va’epopua mei Niua Toputapu. Ko e fekau’aki ‘a ‘Aho’eitu mo e tupu ‘a e ngaahi Ha’a ‘oku ‘alu pe ke to e maama lahi ange ‘a e talanoa ki ai, pea te u feinga ke to e fakaikiiki ange he kaha’u.

‘Oku ‘asi mai he kuonga kimu’a ‘ia ‘Aho’eitu, ‘a ia ‘oku ‘iloa ko e taa’iva ‘o e kau Tangaloa mo e kau Maui mo Havea Hikule’o, pe ko e kuonga ‘oku ui he kau fakatotolo Papalangi mo e Tonga ‘e ni’ihi, ko e kuonga ‘o Manu’a mo Pulotu, ne ‘ikai ke fai ha’atau lau Ha’a ai. Ka ko e lau Kau pe Fale, Fale pe kau Tangaloa mo e kau Maui. Pea ‘oku kau heni mo e ngaue’aki e lea ko e Tu’i, ‘o ‘asi mei Ha’amoa mo Fisi kimu’a ‘a ‘Aho’eitu, tuku kehe toki kamata Pule’anga Tu’i Tonga. Ne tau toki sio ai ki he kamata ngaue’aki e lea ko e Fale, Ha’a mo e Tu’i, ka ‘oku ‘ikai ‘asi mai ia ne tau ngaue’aki kimu’a ai.

‘A ia ko e kuonga ‘eni ‘oku fakafuofua ne lele mei he Senituli 8 nai ki he 2 ki he 4 kimu’a ‘ia Kilisito pe kimu’a si’i pe ‘ia Kilisito he kamata’anga hotau miliniume ni. Pea kou ‘uhinga pe heni ki Tonga ni, ka ‘oku ‘asi mai hange ne ‘osi ngaue’aki pe ‘e Ha’amoa ia pe Manu’a e lea ko e Fale, Tu’i mo e Sa, pea ko Fisi pe Pulotu ia ‘a e lea ko e Tu’i. He ‘oku ‘asi mai ‘enau ngaue lahi ‘aki e lea Fale, Tu’i mo e Sa he Pule’anga pe Pule’angahau ‘a Manu’a, pea pehe ki he lea Tu’i ‘i Fisi.

Fakatatau ki he’etau tala tukufakaholo (oral tradition) mo e taufatungamotu’a-e-fonua (culture) pe anga fakafonua, ko e lau Ha’a, Tu’i mo e lau Fale ko e hu mai mo Tangaloa ‘Eitumatupu’a mo e ’ene fanau tangata ne nau lalahi katoa ‘ia ‘Aho’eitu pea nau fa’e Ha’amoa pe Manu’a, ka e fa’e Tonga tokotaha pe ‘a ‘Aho’eitu kia ‘Ilaheva Va’epopua, ko e ‘ofefine ‘o e ‘eiki ko Seketoa mei Niua Toputapu.  Kapau ko e fuofua kamata ‘eni ‘o e lau Ha’a, Tu’i mo e Fale, ta ko e lea ni ko’ene ha’u mei he lea faka-Manu’a pe faka-Ha’amoa ko e Sa, Tui mo e Fale ‘o ‘uhinga ia ko e ‘Kupu pe Kakai ‘Eiki’. Hange ‘oku ‘asi he lea ‘ha’ foki kiate kitautolu ka e ‘sa’ ia ki he kau Ha’amoa he tu’u ‘etu ongo lea fakafonua. Hange pe ko e lea Samoa mo e Ha’amoa.

Pea ‘oku ‘asi pe ngaahi lea ni he’etau ‘uluaki fa’unga mafaipule ‘a Tu’i Tonga ‘Aho’eitu, ‘a ia ko e lea ko e ‘Tu’i’ Tonga, ‘Ha’a’ Talafale pe ‘Tu’i Faleua, ‘Falefa’ mo e ‘Tu’i’ Folaha mo e ‘Tu’i’ Loloko.

‘Oku hange leva ia he lau ‘a e kau fakatotolo Papalangi ‘o kau ai ‘a kau Tonga hange ko e Palofesa Futa Helu, Hufanga Palofesa ‘Okusitino Mahina, Palofesa Tevita Ka’ili, Dr ‘Opeti Taliai, Dr Melenaite Taumoefolau mo Siaosi ‘Ilaiu, ne ‘uluaki maau ange ‘a e fa’unga mafaipule ia ‘o Pulotu mo Manu’a ‘i Tonga he kuonga ko ‘eni.

‘O mu’omu’a ‘a Pulotu mo e Tu’i Pulotu, ‘a ia ko e ‘uluaki Tu’i ko Havea Hikule’o, pea mo e Tu’i Manu’a pe Ha’amoa ‘uluaki ‘a ia ko Tangaloa Langi pe Tangaloa ‘Eiki he’etau ui. Pea ko e kau Maui leva ne ‘asi mai ne nofo ‘a Maui Motu’a, pe ‘uluaki Maui, ‘i Lolofonua, ‘o hange ne ‘uhinga ki Fisi, pea ‘Uvea-Futuna he taa’iva ‘e ni’ihi pea Koloa ‘i Vava’u he lau ‘e ni’ihi.

Pea ko e toenga leva e kau Maui ne nau nofo Tonga pe ‘i Maama (ko Tonga ‘asi mai ne pehe ko Maama), pea nau toki fe’aluaki holo pe ai. Pea ‘oku hange ko e kau Maui ko ‘eni ne lahi ‘enau o ki Moana Hahake hange ko Vaihi (Hawaii) mo Tahiti, pehe ki he ngaahi fonua Moana kehe.  Pea ‘oku to e ‘asi pehe mai pe mo e kau Tangaloa, ka ki Moana Hahake ne lahi ange e kau Maui, he ‘oku ‘asi lahi ia he tala ‘o Vaihi mo Hahake, pea ‘oku to e ai foki mo e motu ‘i Vaihi ko Maui.

Ka e kehe ko e lea Ha’a, ne kamata fakataha ia mo e lea Tu’i mo e Fale he’etau vakai atu ki he kamata ‘a Tu’i Tonga ‘Aho’eitu, ‘a ia ko e Tu’i Tonga, Ha’a Talafale, Falefa pehe ki he Tu’i Folaha, Tu’i Loloko, ka e ‘uma’a ‘a Maliepo mo Matakehe ko e katoa ia e kau fuofua Falefa ‘o kehe pe ia meia Ha’a Talafale.

 

siuas_camera_152


 

Last Updated on Sunday, 29 April 2012 07:50
 

Nuama from Fonua and Maama

nuama globe

The title Nuama was derived from the Moanan-Tongan words 'fonua'/land/fulfillment and 'maama'/earth/light. Both words are weltanschauung, worldwide view to life or philosophy of life. Their are several implications of such words regarding the ways Moanan-Tongan people in ancient sociieties perceived the meanings and purposes of life generally. There are five different meanings of fonua in Tongan culture, and four connotations for maama, interrelating in a given social condition within the normal scheme of things in space (va), time (ta) and the categories ('uketo'iangama'u).  

 

 

Logo & Motto of Nuama of Moana

"EVERYTHING EXISTS IN MAAMA AND FONUA AS A RESULT OF MAAMA AND FONUA."  Maama and fonua in the first part point to earth and land, and second part stands for light and fulfillment.

logo_avatar